Genealogie-van-Zon


Erfdeling	162	Datum_akte	Niet_publiek	Ga naar erfdeling	Ga naar erfdeling
Hoofdpersoon_1		Berthout Jan Back. 1425-0. X Marie Aert Wolffarts. 1420-1448.		Hoofdpersoon_2
Persoon_1		Jan (Janne) Berthout Back. 1445-1508. X Adriana van Wijlick (Wylich). 1455-0.		Persoon_2
Persoon_3				Persoon_4
Persoon_5				Persoon_6
Persoon_7				Persoon_8
Persoon_9				Persoon_10
Bron
96. 1247/98v-4/24-10-1477. Duplicetur. Scabini noluerunt. Non solvit. Berthout Back, heer tot Asten, een hoeve lands ende vijfftich morgen lands in de parochien van Maren, item twee hoeven in de parochien van Dijnther, item drie hoeven in de parochien van Oesterwijck, item een hoeve in de parochie van Haeren, item twee hoeven in de parochie van Tilborch, item die huijsinge des voirs Berthouts in die voirs parochie van Oesterwijck, item die huijsinge des selven Berthouts in den stat van sHertogenbosch, item die huijsinge des selve Berthouts tot Tilborch, item een wijntmoelen tot Oesterwijck op Karrichoven, item twe halve wijntmoelen tot Tilborch, item een watermoelen tot Huekelem, item een thiende tot Druenen, item een thiende tot Zonne gelegen, met allen toebehoerten der hoeven, molen, halve molen ende thienden voirs, item een jaerlijke lijffpensie van hondert rijnsgulden op die stat van sHertogenbosch ter lijve heeren Jans Back, ridder, soen der voirs Berthouts, item eenen erffchijns van veertich libre paijments alle jaer erffelijk vuijt den huijse Henrix Loden, staende in sHertogenbosch aen die merct aldaer, item eenen erffchijns van XXV rijnsgulden te vergelden alle jaer erffelijck vuijt sekeren onderpanden tot Beerlikem gelegen, item eenen erffchijns van dertich libre paijments (f.99) alle jaer erffelijk vuijt sekeren onderpanden op die Diessen, item eenen erffpacht van elff mudden ende drie vaten roggen der maten van Eijndhoven alle jaer erffelijk vuijt sekeren onderpanden omtrent Eijndoven gelegen te vergelden, heeft hij verhuert ende verpacht in rechten namen van verhueringe oft verpachtinge den voirs heeren Janne Back, sijnen soen, van den selven heeren Janne aengeverd te werden in den hoochtijt van sinte Jansmisse te midde zomer naestcomende ende voertaen van hem den selven heeren Janne te hebben, te besitten ende te gebruijken den leven des voirs heren Jans durende ende niet langer, voer die commer ende lasten der opstaende ende diensten daertoe behoerende ende daerop comende te geven, te dragen ende te doen bij den voirs heren Jannen sijn leven lanc durende, also dat Berthouts voirs ende sijnen anderen goeden daeraff egheenen scade en come ende voert voer een jaerlijke rente van driehondert ende veertich rijnsgulden tot XX stuvers tstuc gerekent, te geven ende te betalen den voirs Berthouden van heren Janne sijnen soen voirs alle jaer den leven des selven heren Jans durende, voer die een helft in de hoochtijt van Kersmisse ende voer die ander helft in den hoochtijt der geboerten van sinte Jan baptisten ende voer den iersten termijn van betalinge in den hoochtijde van Kersmisse dat comen sal van Kersmisse naestcomende over een jaer ende also voert van jaer te jaer ende termijne tot termijne den leven des voirs heren Jans durende ende niet langer, met condicien ende voerwaerden toegedaen ofte die voirs heren Jan den voirs Berthouden die voirs jaerlijke renthe van driehondert ende XL rijnsgulden ten termijne voirs niet en betaelde, dat alsdan ende in dien gevalle die voirs Berthout alle die voirs hoeven, huijsinge, molen, halffmoelen, thienden, erffchijns ende pachte wederomme aen sal mogen verden ende bruijken gelijc die selve Berthout tot huijden des daechs gedaen heeft, sonder droch ofte argelist; ende heeft geloeft die voirs Berthout op hem ende alle sijn goede die hij nu ter tijt heeft ende naemaels hebben ende vercrijgen mach, heren Jans voirs dat hij die voirs verpachtinge den leven des voirs heren Jans durende vast ende stedich sal houden sonder wederseggen, ende here Jan voirs heeft wederomme geloeft op hem ende alle sijn goet dat hij nu ter tijt heeft ende naemaels hebben ende vercrijgen mach den Berthouten voirs dat hij den selven Berthouten die voirs renthe van CCC ende XL rijnsgulden sal geven ende betalen alle jaer ten termijne voirs van jaer ende te jaer ende van termijne tot termijne den leven des voirs heren Jans durende ende niet langer ende dat hij voert die voirs conditie ende voerwaerde volcomelijc sal houden ende daer niet tegen doen, sonder droch oft argelist; dits gesciet in orconden scepenen in sHertogenbosch Dirx van den Aa ende Adams die Lu op den XXIIIIsten dach der maent octobris int jaer ons heren duijsent vierhondert seven ende tseventich. Iste contractus pa..form.. et in eff..cu fuit pro Bartholdem et ?dnum ....... ....... ....... .......

Erfdeling